حلو الكيندر ...

[أمووورة]

صباح الخير

اليوم عندي لكم حلو سهل ولذيذ

سويته حق الأهل بيوم اليمعة واستانسوا عليه

والشباب تطنزوا وقالوا لي مخلصة كل الكيندر سبرايس اللي بالجمعية :)

المقادير :

http://members.lycos.co.uk/alamora/helo1.JPG

1 قيمر كي دي دي صغير
1 كيك سويس رول بالشوكولاته
بيض كندر سبرايس أو أولكر سبرايس حسب المتوفر ...
لوز وفستق مطحون ( خشن )
شعرية باكستانية لتزيين الطبق ( مثل فكرة عشة العصافير )
لصلصة التوفي 4 ملاعق طعام من السكر + 1 قيمر كي دي دي صغير

ملاحظة : يمكن أن نضاعف الكميه اذا كان المطلوب تحضير طبق كبير ...

الطريقة :

(1)
http://members.lycos.co.uk/alamora/helo2.JPG
نحضر طبق التقديم .. بفرش الشعرية فيه حتى يبدو كعش العصافير ,,

(2)
http://members.lycos.co.uk/alamora/helo3.JPG
نقوم بفتح بيض الشوكولاته كما في الصورة ...

(3)
http://members.lycos.co.uk/alamora/helo4.JPG
نضع القيمر فوق قطع الكيك لتحضير خلطة الحشوة ..

(4)
http://members.lycos.co.uk/alamora/helo5.JPG
نضع المكسرات مع الخليط ..

(5)
http://members.lycos.co.uk/alamora/helo6.JPG
نستمر في التحريك حتى تمتزج المقادير جيداً ثم نحشي بها بيض الشوكولاته ..
ويراعى أن لا نقوم بملئ البيضة بالحشوه تماماً ...

(6)
http://members.lycos.co.uk/alamora/helo7.JPG
نضع 4 ملاعق من السكر على النار ونستمر في التحريك حتى يذوب السكر
ويتغير لونه إلى اللون العسلي .. ثم نضيف عليه القيمر .. ويستمر بالتحريك السريع
حتى يذوب كل السكر فيه وتتكون صلصة التوفي ..

(7)
http://members.lycos.co.uk/alamora/helo8.JPG
نضع فوق الحشوة في كل بيضة القليل من التوفي ويرش بالفستق الناعم أو جوز الهند المبشور حسب الرغبة

(8)
http://members.lycos.co.uk/alamora/helo9.JPG
يوضع بالثلاجة حتى يبرد ويقدم مع القهوة العربية


وحتى الأطفال بيعجبهم وترا مفيد وفيه قيمة غذائية عاليه ..


ألف عافية عليكم


تحياتي ومحبتي
:w11w:

[Katkot_Motw7sh]

كشخه
جنه عش طيور صج :)

تسلم ايدج اهم شي الطعم :)

يالله اموره سويلي جم تبيعينه ؟ لانه تدرين انا ما اعرف اطبخ بس اسوي بيض مفيوح :)

[أمووورة]

ههههههههههههههههه

لا أبشرك الطعم حلو .. وعجبهم وايد ..

حتى الشعرية أبوي قال لي هذي ناكلها ولا شنسوي فيها قلت له لا ديكور

ولا حمني ولد اخوي يقول لي عمتي آنا اكلتها :)

حسبي الله على ابليسه ماكل شعريه نية .. لوووول


وبعدين آنا ما أبيع شي .. حياك ويا المدام عندنا نسوي لكم حلو وقهوة :30:

[غلا روحي]

مــا شــاء اللــه عليـج ..

ويعطيـج العافيــه غـلاتــي ..

[أمووورة]

يعافيج ياقلبي ياغلا

وحياج ربي : )

[Katkot_Motw7sh]

يالله متى تعزمينا

وتطبخيلنا من ايدج الحلوه بس خاس بطني من المطاعم :)

[أمووورة]

احنا قلنا حلو وقهوة ما اتفقنا عالمحمر والمشمر هههههههههههههههههه

[Katkot_Motw7sh]

خخخخخخخخخخخ

اي اهو اول شي توكلينا لمحمر ولمشمر

بعدين نحلي بالحلو مالج

:)

يالله متى انيي؟

[أمووورة]

دقوا على سكرتيرتي أوراد واخذوا موعد :)


وحياكم الله ... لووول

[Katkot_Motw7sh]

وينها سكرتيرتج تلفونها كله مشغول

قاعد تكلم رفيجاتها بالفريج الثاني :)

روحي كفخيها

[أوراد]

لوووووووووووووول


يسلمووو خووش طبق .. بس يغث صراحه


وبعدين انا مواعيدي فل


كتكوت في حجز بعد 3 سنين ينفع

ههههههههههههه

[Katkot_Motw7sh]

اقلو استريحي :)

سكرتيره وتتفلسف لا الحين اقول حق امعزبتج اموره اخليها بدال لا تاخذ شعريه تحطه حق العش تاخذ من شعرج المصيخ :w2w:

[أمووورة]

هههههههههههههههههههه

فشلتونا .. انتوا الاثنين رديتوا حق الهواش


يوزوا لا اوقفكم انتوا الاثنين :)


اوراد يغث بعينج اشوفج هفيتي قطعتين :)

[MoCCa OR NeSCafe]

هههههههههههههههههههههههههههههههههههههههههههههههههه هههههههههههههههههههه الكل فاصل


والله بصراحه ما جربته بس شكله كووووول راح اقرر واسويه على يوم

دام انتي مسويته امورة مافيها نقاش

وانتي يالنزغه اورادوا لا تشلخين حق البلعه زاهبه وكله مسوية نفسج يعني انا الفقيرة اللي ما آكل

انزين قوليلي ولهتي علي ؟.؟؟

هههههههههههههههههههههههههههههههههه

[أمووورة]

لوووووووووووووووووووووول موكا

فديتج :)

[العنا22]

تسلم ايديكي........................لذيذ

[أمووورة]

يسلمج ربي ويخليج يا العنا


تحياتي ومحبتي لج :w11w:

[candya]

الله شكله يشووووووق
عاد انا غرامي كندر سبرايز
<<<عشاان تييمع الالعاب :w11w:

بس لي ماعزمتيني :icon1366:

[أمووورة]

والله حضرتج ماتيين بيتنا إلا بالمناسبات شسوي فيج

خلاص اذا سويت هالحلو بعد مرة بدق عليج .. وبشوف بتيين ولا لأ يا العيارة :)


حياج ونورتي كانديووو

[بو ميشيل]

لذيذ شكله يم يااام

يعطيج العافيه على هالطبق الخطير:)

[أمووورة]

من ناحية لذيذ فهو لذيذ ..

ويعافيك ويخليك بوميشيل .. حياك الله ..